[5wk 5D] 第一次睇C+ @24.06.2013

因為太驚，唔知點好，媽咪係咁打電話俾D 老友問下應該要點做。最後終於找到個C+ 醫生個緊急電話留左言，個醫生好快就覆左我，叫我今日10點去睇佢，初時以為我係新症，雖則4個月之前Book 左佢睇水囊，但都估唔到佢咁快可以俾我期我。



到了診所就見到一大堆孕婦，去到櫃位就俾個姑娘罵左一頓，又問我醫生個緊急電話係邊到找黎? 做乜要打醫生果個電話….. 算數，我忍你，咁我真係超驚嗎~

等左冇耐，終於到我入去見醫生，佢講野好鬼細聲，問左我少少問題之後，就叫我入去照超聲波，媽咪就坐係出面 (事後先知道，原來媽咪都可以入去一齊睇)。

睇左陣超聲波，醫生話見到少少個胎盤，好似緊緊睇到個心跳。之後就要照陰照，嘩!其實有點驚，成支野插入去，不過好彩唔太痛。醫生話依家又見唔到有流血，就代表冇乜野，正常的。Oh! 但係，返到屋企之後又流過，可能係照完陰照。

照完坐低之後，醫生就問我係邊到生? 又話我個預產期果時佢唔會係香港，唔會同到我接生? 咁煩ge。問佢關於個水囊又係話一切未知知算…….. 攪到我…..

之後等拎藥，醫生俾左3日的安胎藥我，但要我問姑娘有冇病假? 洗唔洗bed rest, 個姑娘態度勁唔好，話你要醫生咪俾你囉~ 咁都得??? 最後攞左10 days….