[4wk 3D] 攪笑的場面・喜獲消息 @18.06.2013

自從同屋企人去完台中自遊行之後，一直都覺得個肚唔多舒服，成日賴個港龍飛機餐太多魷魚出事，加上果程機又遇上氣流，攪到果晚(星期五 14/6/2013)回港後外出食飯就突然胃抽筋，立即食左兩粒藥丸，但果晚好想嘔。





 

















之後兩日好似又冇乜事咁，又返教會、又去探朋友個BB、重同老爷99 出外食飯，不過食完就肚潟左幾次，一心以為係稻香D野唔干淨。



去到(2013 年 06 月17日)星期一都冇乜事，中午就衝去巿中心攪新信用卡，又叫左麥當勞飲汽水，直至到晚上個腸個胃又開始唔舒服，媽咪同爸爸不停吵嚷著去醫院定明早返工時去睇門診，又諗去屯門醫院定出法國醫院。最後都係決定入法國醫院，博下有冇機會可以住一晚同我照野，一來擔心條腸胃有事，二來最擔心就係個子宮水囊爆，因為今次個痛發唔多似腸胃, 好近子宮咁，好鬼驚>.<”’

攪來攪去, 終於00:00:48 上到病牀，平生有記憶下第一次訓醫院，無想像中咁驚，因為佢地一黎就同我打左2支針，又吊鹽水，立即昏昏欲睡。又抽血，護士問我上一次M 到係幾時，我先發覺原來係上個月15日，護士們一聽見就驚話要我同驗孕，因為過左咁多日(其實都係3日到， 對我黎講 so common!)。之後, 護士笑我，會唔會只係M 痛，果刻我先諗唔通真係M痛? 唔係嗎? 如果真係只係M痛而入院就 Law 爆….

一直昏迷咁訓, 訓完又訓，直到老公第二日早上黎我都唔知道，之後再等，等到10:30左右，護士突然過黎話同我換帶，一睇換左個醫生名，我心有不甘地問佢，點解無端端要 換帶? 乜唔係睇腸胃科陳醫生嗎? 我等左好耐啦喎? 依家先黎換? 唔係嗎? 加上我地剛剛先同保險check清楚黎個陳醫生係我地公司的panel doctor ，攪乜呀? 果個護士烏sir sir 出左去話同我問下點解換帶? 心諗乜你唔知why? X 死我呀! 咁混亂咁ge?

格左冇耐，另一個護士入黎同我講：「昨晚咪同你驗尿，你咪話唔會有孕嗎? 但依家驗到你有喎, 恭喜你! 所以要轉醫生囉~ 轉個婦產科俾你呀」嘩！ 嘩！嘩！果刻真係唔識反應，不過我重可以好好理性地問佢, 咁我要check check 黎個婦產科係咪我公司保險的panel doctor 喎~

個護士走左之後, 我老公開心到傻左, 一咪係到傻笑。喂，傻佬，快d 打電話問清楚個公司個保險啦~