Nat 媽咪‧愛Baby: [33wk 1D] [節錄] 炒米茶的用途及制作過程 @02.01.2014

作用：
平時飲用補身之餘，可以排毒去水，亦可暖胃。

炒米可以用：
白米、紅米、糙米、黑糯米(會較前者為補)，全部一齊撈埋炒都可以，是但選一樣都得。

材料：
炒米（泰國紅米）、陳皮 (順產可以用薑)、元肉、杞子 (由於我係開刀生, 所以冇加南棗, 順產就可以加)

注意事項：

紅棗、當歸勿用，因會旺血
陳皮越耐、越多年越好，建議用7年以上既陳皮，咁就唔駛去囊，因為去囊要沉水15分鐘後再用匙刮去囊，咁樣一齊入茶包袋好易會令到其他材料濕哂而變壞。
順產用薑建議飲時先加，唔好一齊入茶包袋，因為會令到其他材料濕哂而變壞。
所有材料都唔需要洗，保持乾爽，到飲用既時候，過一次熱水後，第二次既熱水就可以焗15分鐘飲得，每一包炒米茶可以返焗2-3次。

份量我隨心：炒米(2湯匙西式果d匙)、陳皮(隨心)、圓肉(5粒)、杞子(隨心)

第一日：炒米（黑糯米）＋陳皮 (順產可以用薑)

第二日：炒米（黑糯米）＋陳皮＋圓肉

第三日直至坐完月：炒米（黑糯米）＋陳皮＋圓肉＋杞子 (開刀生者適用)

第四日直至坐完月：炒米（黑糯米）＋陳皮＋圓肉＋杞子＋南棗（順產生者適用）

開刀生B者, 只需要 "第一日、第二日、第三日"
順產生B者, 可整哂 "第一日、第二日、第三日、第四日"

整好後入密實袋壓走多餘空氣, 收好係放係雪櫃就可以架啦, 到入院既時候記得帶埋去醫院就okay。

可以將d 乾米用白鑊炒到佢變黃色，可以一次炒多D放入個玻璃樽度放都得。

所有材料都唔駛洗，沖黎飲時，用滾水過１過水，之後第２次沖出黎就可以飲用, 返沖2-3次都依然有味，不過飲時小心熱燙親口仔，我用保溫瓶焗15分鐘左右後飲用。