影相其實不難, 來來去去其實只係講兩樣野: 光線和構圖.
先談光線. 攝影, 其實就是捕捉光與影. 有足夠的光線, 拍出來的人與物自然清晰漂亮. 因此, 影相第一件事要看的, 是要留意光線是否足夠. 一張清晰的相片, 已經是成功的一半.
但拍攝一張清晰的相片, 卻遠比想像中難. 因為肉眼看夠光, 照相機看出來的卻是另一回事. 但凡是室內, 只有人造光源(例如光管,日光燈等)的情況, 或是黃昏後的時間, 都是光線不足的環境. 光線不足, 拍出來的結果就是郁朦鬆的照片. 那怎麼辦呢? 以下是幾個錯誤/無用的解決方法:
1. 閃光燈(內閃): 千萬不要用, 除了會損害BB眼睛, 拍出來的照片大多都非常醜.
2. 腳架: 可防止手震. 但大家千萬別忘記, BB係會不停咁郁的, 結果其實都一樣.
3. 開多幾盞燈: 雖然或者有少許幫助, 但無論開幾多盞, 唔夠光就係唔夠光. 因為一般家居燈光以舒服為主, 亮度並不足. 太多燈更會影響白平衡, 導致相片局部偏色.
正確的解決方法:
1. 推高ISO(感光度): ISO係乜並唔重要, 總之推到400-1600 都應該可以(只適用於DSLR). DC最盡只能推到400, 800已經很爛不能用(除非係Fujifilm F Series).
2. 轉用大光圈鏡頭: 同樣只適用於DSLR. 光圈至少F2.8. 至於DC, 光圈一般都無得調較, 唔駛攪咁多啦.
3. 影RAW, 減EV(高階應用): 同樣只適用於DSLR. 減左EV, 張相會暗D, 再用RAW推番出黎. DC嘛......雖有EV加減, 但大部份無得影RAW的, 因此唔駛理. 如懂得用Photoshop, 可嘗試減EV, 再用ps推番出黎.
如用盡以上方法, 影出黎仍然都係郁朦鬆, 建議給好個鏡頭蓋, 收埋部相機, 專心同BB玩啦 (噓......! 尿片濕紙巾亂飛)
咁講即係DC唔駛影啦! (DC!DC!DC!DC!...... 一眾DC用家正在抗議)
稍安無躁! 其實DC有一個DSLR無的優勢 - 就係...................拍片! 當你發覺無論如何都影唔到清淅的相片, 你就拍片啦!
(噓......!)
其實攝影器材並非萬能, 限制很多, 因此要影靚相, 最簡單的方法是盡量在光線充足的地方影相, 例如室外, 或靠近窗口的位置(最好可以面向窗口), 利用窗外的天然光, 拍出來的照片的色彩才是最自然最靚.
構圖留番下次再講.
利用窗外天然光實例一(40D, 1/100, F2.8)
實例二 by DC(F31fd, 1/200, F2.8)
沒有留言:
發佈留言